Në një kohë kur teknologjia dhe dizajni i pajisjeve shtëpiake përsosen çdo ditë, ne besojmë se disa emra mbeten të përjetshëm. Njëri prej tyre është Miele, marka që prej vitit 1899 ka ndërtuar një standard ekselence me moton e saj të paharrueshme: “Forever better”.

Rrugëtimi ynë me Miele nisi rreth 20 vjet më parë, kur Electromagic u bë partneri i saj i vetëm në Shqipëri. Sot, pas dy dekadash bashkëpunimi, jemi krenarë që Miele është shndërruar në një nga markat më të dashura dhe më të besuara premium në tregun vendas.

Për ne, Miele nuk është thjesht një markë pajisjesh shtëpiake. Ajo përfaqëson një filozofi të jetesës, një investim familjar që sjell përvojë, cilësi dhe jetëgjatësi. Janë këto vlera që nuk maten me çmim, por me besim – besim që ndërtohet çdo ditë me secilën pajisje Miele që hyn në një shtëpi shqiptare.

Në një mbrëmje plot emocion dhe elegancë, patëm kënaqësinë të festonim 20-vjetorin e Miele në Shqipëri, duke sjellë bashkë miq, klientë dhe partnerë që ndajnë me ne të njëjtin vizion: të jemi gjithmonë më të mirë.

Pas 20 vitesh suksesi, ne shohim përpara me entuziazëm drejt një dekade të re inovacionesh dhe përvojash. Synimi ynë mbetet i pandryshuar: të sjellim në çdo shtëpi dhe çdo biznes cilësi që zgjat në kohë, sepse aty ku është Miele, “Forever better” merr kuptimin e tij më të vërtetë.