Politika e privatësisë

NË PËRMBLEDHJE

• Kontrollues i të dhënave tuaja: është “Electromagic” sh.p.k. Nëpunësja e Mbrojtjes së të Dhënave është Brikena Muça (bmuca@americancapital.al).

• Përdorimi i të dhënave: Përdorim të dhënat tuaja për porositë, dorëzimin, montimin, garancinë dhe servisin, për t’iu përgjigjur kërkesave dhe, vetëm me pëlqimin tuaj, për programin e besnikërisë dhe për ofertat.

• Pagesa: Bëhet me para në dorë në dorëzim; faqja nuk mbledh të dhëna të kartave bankare.

• Ndarja e të dhënave: Të dhënat tuaja i ndajmë vetëm me ofruesit që punojnë për llogarinë tonë dhe me institucionet, kur e kërkon ligji.

• Të drejtat tuaja: Mund të kërkoni në çdo kohë akses, korrigjim ose fshirje, të tërhiqni pëlqimin dhe të kundërshtoni marketingun. Ju përgjigjemi brenda 30 ditëve.

Më poshtë gjeni informacionin e plotë, sipas nenit 13 të Ligjit nr. 124/2024 (në vijim, “Ligji”).

KREU I: KONTROLLUESI DHE KONTAKTET

1. Kontrollues i të dhënave: është shoqëria “Electromagic” sh.p.k, NIPT L62205037O, me seli në Njësinë Bashkiake nr. 5, Rruga “Sulejman Delvina”, përballë Hotel Diplomat, pallati 7-katësh, dyqani nr. 3, kati përdhe, Tiranë. Email: info@electromagic.al.

2. Nëpunësja e Mbrojtjes së të Dhënave Personale: Brikena Muça, email: bmuca@americancapital.al. Mund t’i drejtoheni asaj për çdo çështje që lidhet me përpunimin e të dhënave tuaja dhe me ushtrimin e të drejtave tuaja.

KREU II: TË DHËNAT QË MBLEDHIM, QËLLIMET DHE BAZA LIGJORE

1. Porositë online dhe dorëzimi: Kur bëni një porosi në electromagic.al mbledhim emrin, mbiemrin, numrin e telefonit, adresën e dorëzimit dhe të dhënat e porosisë. I përdorim për përpunimin e porosisë, për t’ju kontaktuar nga shërbimi i klientit për dorëzimin dhe për faturimin. Këto të dhëna janë të nevojshme për lidhjen dhe zbatimin e kontratës së shitjes: pa to nuk mund ta përpunojmë dhe ta dorëzojmë porosinë. Pagesa bëhet me para në dorë në momentin e dorëzimit; faqja nuk mbledh dhe nuk ruan të dhëna të kartave bankare. Baza ligjore: përmbushja e kontratës (neni 7, pika 1, shkronja “b”) dhe detyrimet ligjore tatimore (neni 7, pika 1, shkronja “c”).

2. Transporti në banesë, montimi, garancia dhe servisi: Kur kërkoni këto shërbime, përdorim të dhënat e kontaktit, adresën dhe të dhënat e produktit e të garancisë vetëm për kryerjen e shërbimit të kërkuar. Montimin dhe servisin i kryen stafi ynë, jo palë të treta. Pa këto të dhëna shërbimi nuk mund të kryhet. Baza ligjore: përmbushja e kontratës dhe e detyrimeve të garancisë (neni 7, pika 1, shkronjat “b” dhe “c”).

3. Formulari i kontaktit: Kur na shkruani nëpërmjet formularit “Kontakt” mbledhim të dhënat që plotësoni (emrin, email-in, telefonin, numrin e porosisë, qytetin dhe mesazhin) dhe i përdorim vetëm për t’iu përgjigjur kërkesës suaj. Mesazhet mbërrijnë në adresën info@electromagic.al dhe menaxhohen nga personi përgjegjës për shitjet online. Pa të dhënat e kontaktit nuk mund t’ju përgjigjemi. Baza ligjore: hapat që i paraprijnë kontratës me kërkesën tuaj (neni 7, pika 1, shkronja “b”) ose, për kërkesat e tjera, interesi ynë i ligjshëm për t’iu përgjigjur klientëve dhe vizitorëve që na drejtohen (neni 7, pika 1, shkronja “dh”).

4. Regjistrimi për oferta: Kur regjistroni email-in tuaj për oferta, regjistrimi mbërrin në adresën info@electromagic.al dhe menaxhohet nga personi përgjegjës për shitjet online. E përdorim vetëm për t’ju dërguar komunikimet promocionale të Electromagic. Regjistrimi është vullnetar dhe nuk ndikon në blerjet tuaja. Baza ligjore: pëlqimi juaj (neni 7, pika 1, shkronja “a” dhe neni 8), të cilin mund ta tërhiqni në çdo kohë, po aq lehtë sa e keni dhënë, duke na shkruar në info@electromagic.al ose nëpërmjet mënyrës së çregjistrimit që përmban çdo mesazh promocional.

5. Programi i besnikërisë: Anëtarësimi është vullnetar dhe nuk është kusht për blerje, garanci apo servis. Ai bëhet në dyqanet tona, me plotësimin e formularit të regjistrimit, pasi stafi ju ka informuar për programin. Për anëtarët përpunojmë emrin, mbiemrin, numrin e telefonit dhe faturat e blerjeve të kryera në dyqanet tona. Në formular, pëlqimi për programin dhe pëlqimi për marrjen e ofertave me SMS jepen veçmas. Numrin e telefonit e përdorim për njoftimet me SMS për statusin dhe përfitimet dhe, vetëm kur keni dhënë pëlqimin përkatës, për ofertat. Baza ligjore: pëlqimi juaj (neni 7, pika 1, shkronja “a” dhe neni 8).

6. Nivelet e programit dhe logjika e tyre: Programi ka katër nivele: Basic, Silver, Gold dhe Platinium. Niveli i secilit anëtar llogaritet automatikisht vetëm nga vlera ose numri i blerjeve të tij në një periudhë të caktuar, sipas kritereve të publikuara në faqen e programit, dhe përcakton përfitimet që merr anëtari. Ky klasifikim nuk prodhon pasoja ligjore ose pasoja të ngjashme të rënda për ju, nuk kufizon të drejtën tuaj për të blerë apo për të përfituar garancinë dhe servisin, dhe nuk përdor të dhëna sensitive. Nëse mendoni se niveli juaj është llogaritur gabim, mund të kërkoni rishikimin e tij nga stafi ynë.

7. Navigimi në faqe: Gjatë vizitës, platforma e faqes përpunon të dhëna teknike të nevojshme për funksionimin e saj, sipas Kreut III.

Tabela Përmbledhëse

KREU III: COOKIES

1. Cookies janë skedarë të vegjël që ruhen në pajisjen tuaj gjatë vizitës. Faqja electromagic.al funksionon në platformën Shopify, e cila përdor cookies të domosdoshme për funksionimin e dyqanit online, si shporta dhe përfundimi i porosisë. Këto cookies nuk mund të çaktivizohen pa prishur funksionimin e faqes.

2. Nëse faqja përdor cookies që nuk janë të domosdoshme, si ato për statistika ose reklama, ato vendosen vetëm pasi të keni dhënë zgjedhjen tuaj nëpërmjet njoftimit të cookies në faqe, ku mund t’i pranoni, t’i refuzoni dhe ta ndryshoni zgjedhjen në çdo kohë, po aq lehtë.

3. Mund t’i fshini ose bllokoni cookies edhe nga cilësimet e shfletuesit tuaj; në këtë rast disa funksione të faqes mund të mos punojnë.

KREU IV: MARRËSIT DHE TRANSFERIMET

1. Të dhënat tuaja aksesohen vetëm nga personeli i autorizuar i Electromagic dhe u komunikohen ofruesve që veprojnë për llogarinë tonë, me marrëveshje me shkrim sipas nenit 26 të Ligjit: ofruesi i platformës së dyqanit online (Shopify) dhe ofruesi i mbështetjes dhe i strehimit të faqes (Mediadesk); ofruesi i sistemit të shitjeve dhe të menaxhimit të klientëve (Microsoft Dynamics 365 Business Central), nëpërmjet të cilit dërgohen edhe mesazhet SMS të programit të besnikërisë; ofruesit e aplikacioneve të faqes (përkthimi i faqes, formularët dhe menuja e navigimit); ofruesi i transportit, kur porosia dorëzohet nëpërmjet tij; si dhe kontabiliteti. Montimi dhe servisi kryhen nga stafi ynë dhe për to nuk përfshihet asnjë palë e tretë.

2. Të dhënat u jepen institucioneve publike vetëm kur këtë e kërkon ligji.

3. Platforma Shopify dhe shërbimet cloud të Microsoft mund t’i përpunojnë të dhënat edhe jashtë Republikës së Shqipërisë. Në këto raste transferimi kryhet vetëm me garancitë e parashikuara në nenet 39 deri 42 të Ligjit. Informacion për garancitë përkatëse dhe mënyrën si mund të merrni një kopje të tyre mund të kërkoni në info@electromagic.al ose te Nëpunësja e Mbrojtjes.

KREU V: AFATI I RUAJTJES

1. Të dhënat e porosive, të faturimit, të garancisë dhe të servisit ruhen për aq kohë sa zgjat garancia dhe më pas për afatin e detyrueshëm të ruajtjes së dokumentacionit tatimor, që është të paktën 5 vjet nga fundi i vitit tatimor përkatës, sipas Ligjit nr. 9920/2008.

2. Mesazhet e formularit të kontaktit, të mbërritura në info@electromagic.al, ruhen për aq kohë sa është e nevojshme për trajtimin e kërkesës dhe për ndjekjen e saj.

3. Të dhënat e programit të besnikërisë ruhen deri në tërheqjen tuaj nga programi, ndërsa email-i për oferta deri në çregjistrim.

4. Pamjet e video-survejimit ruhen jo më shumë se 30 ditë.

5. Pas përfundimit të afatit, të dhënat fshihen ose anonimizohen.

KREU VI: SIGURIA E TË DHËNAVE

Electromagic zbaton masa teknike dhe organizative për mbrojtjen e të dhënave nga aksesi i paautorizuar, humbja ose shkatërrimi, sipas nenit 28 të Ligjit. Aksesi kufizohet te personeli që ka nevojë për to për detyrën e vet, i cili i nënshtrohet detyrimit të konfidencialitetit sipas nenit 30 të Ligjit. Në rast cenimi të sigurisë së të dhënave, veprojmë sipas nenit 29 të Ligjit, përfshirë njoftimin e Komisionerit kur cenimi paraqet rrezik për të drejtat dhe liritë tuaja.

KREU VII: TË DREJTAT TUAJA

1. Në përputhje me nenet 13 deri 20 të Ligjit, ju keni të drejtë:

• a) të informoheni për përpunimin e të dhënave tuaja;

• b) të keni akses në të dhënat tuaja dhe të merrni një kopje të tyre;

• c) të kërkoni korrigjimin e të dhënave të pasakta dhe fshirjen e tyre, kur plotësohen kushtet ligjore;

• ç) të kërkoni kufizimin e përpunimit;

• d) të kërkoni transferueshmërinë e të dhënave që na keni dhënë me pëlqim ose për kontratë, kur përpunimi kryhet me mjete automatike;

• dh) të tërhiqni pëlqimin në çdo kohë, pa cenuar ligjshmërinë e përpunimit të kryer para tërheqjes;

• e) të mos i nënshtroheni një vendimi të bazuar vetëm në përpunim automatik që ju shkakton pasoja ligjore ose pasoja të ngjashme të rënda.

1. Kërkesat mund t’i dërgoni në info@electromagic.al ose te Nëpunësja e Mbrojtjes, në bmuca@americancapital.al. Ju përgjigjemi pa pagesë, sa më shpejt të jetë e mundur dhe jo më vonë se 30 (tridhjetë) ditë nga marrja e kërkesës. Kur kemi dyshime të arsyeshme për identitetin tuaj, mund t’ju kërkojmë informacion shtesë për verifikimin e tij.

2. Nëse mendoni se të dhënat tuaja përpunohen në kundërshtim me ligjin, keni të drejtë të paraqitni ankesë te Komisioneri për të Drejtën e Informimit dhe Mbrojtjen e të Dhënave Personale, Rruga “Abdi Toptani”, Nd. 5, Tiranë, info@idp.al.

KREU VIII: E DREJTA JUAJ PËR TË KUNDËRSHTUAR

Keni të drejtë të kundërshtoni në çdo kohë, për arsye që lidhen me situatën tuaj të veçantë, përpunimin e të dhënave tuaja që kryhet mbi bazën e interesit tonë të ligjshëm (neni 19, pika 1, e Ligjit), si për formularin e kontaktit ose për video-survejimin. Keni gjithashtu të drejtë të kundërshtoni në çdo kohë, pa u detyruar të jepni arsye, përpunimin e të dhënave tuaja për marketing të drejtpërdrejtë; pas kundërshtimit, ne ndërpresim përpunimin për këtë qëllim (neni 19, pikat 2 dhe 3). Kundërshtimin mund ta dërgoni në info@electromagic.al ose te Nëpunësja e Mbrojtjes.

KREU IX: FËMIJËT

Faqja dhe programi i besnikërisë nuk u drejtohen fëmijëve. Kur përpunimi bazohet në pëlqim në kuadër të ofrimit të mallrave në internet, pëlqimi i një të mituri nën moshën 16 vjeç është i vlefshëm vetëm kur jepet ose autorizohet nga prindi ose kujdestari ligjor, sipas nenit 8, pika 6, të Ligjit.

KREU X: LIDHJET ME FAQE TË TRETA

Faqja përmban lidhje drejt faqeve të markateve dhe të rrjeteve sociale (Facebook, Instagram). Këto faqe kanë politikat e tyre të privatësisë, për të cilat Electromagic nuk mban përgjegjësi.

KREU XI: VIDEO-SURVEJIMI NË DYQANE

Për sigurinë e personave dhe të pasurisë, ambientet e dyqaneve dhe të magazinës mbikëqyren me kamera, të sinjalizuara me tabela informuese. Pamjet ruhen jo më shumë se 30 ditë, aksesohen vetëm nga personeli i autorizuar dhe u jepen autoriteteve vetëm me kërkesë të ligjshme. Baza ligjore: interesi ynë i ligjshëm për mbrojtjen e personave dhe të pasurisë (neni 7, pika 1, shkronja “dh”), në përputhje me Udhëzimin nr. 3/2025 të Komisionerit.

KREU XII: NDRYSHIMET E KËSAJ POLITIKE

Politika rishikohet sa herë ndryshojnë proceset tona ose legjislacioni. Versioni në fuqi publikohet gjithmonë në këtë faqe, me datën e përditësimit të fundit. Kur ndryshimi prek mënyrën si përdorim të dhënat tuaja për një qëllim të ri, ju informojmë para se ta nisim atë përpunim, sipas nenit 13, pika 4, të Ligjit.