Shumë njerëz pyesin nëse ka ndonjë dallim të vërtetë mes lavatriçeve profesionale dhe atyre shtëpiake. Më poshtë do t’ju përgjigjemi pyetjeve më të shpeshta.

1. Çfarë është një lavatriçe profesionale?
Një lavatriçe profesionale është e dizajnuar për përdorim të vazhdueshëm, ngarkesa të mëdha dhe është e ndërtuar me komponentë cilësorë të veçantë, toleranca dhe karakteristika që nuk i gjejmë në lavatriçet shtëpiake. Lavatriçet profesionale përmbajnë motorë, pompa dhe elementë ngrohës të një cilësie shumë më të lartë, të cilët i bëjnë ato të përshtatshme për përdorim në ambiente profesionale.

2. Cilat janë dallimet midis një lavatriçeje profesionale dhe një lavatriçeje shtëpiake?
Ka disa dallime midis një lavatriçeje profesionale dhe një lavatriçeje shtëpiake. Një lavatriçe profesionale është e ndërtuar për t’i rezistuar përdorimit të rregullt dhe intensiv në një ambient profesional, që e bën të papërshtatshme për pajisjet shtëpiake. Dallimet kryesore janë:

• Jetëgjatësia: Një lavatriçe shtepiake tipike është e ndërtuar të punojë rreth 5 vjet, duke ofruar mesatarisht 270 larje në vit.
• Pjesët e motorit dhe elementët e ngrohjes të një lavatriçeje profesionale janë një dallues tjetër krahasuar me një lavatriçe shtepiake, duke ofruar një jetëgjatësi shumë më të gjatë dhe performancë më të mirë.
3. Çfarë karakteristikash kanë lavatriçet profesionale që i dallon ato nga lavatriçet shtëpiake? Lavatriçet profesionale ofrojnë disa karakteristika dhe lloje programesh që nuk gjenden në lavatriçet shtëpiake:
• Mbushje me ujë të ngrohtë: lavatriçet profesionale mund të mbushen drejtpërdrejt me ujë të ngrohtë, duke reduktuar kohën e cikleve dhe konsumin e energjisë.
• Programe larje specifike: Që mund të përshtaten për nevojat e sektorëve të ndryshëm, sidomos për shtëpitë e kujdesit shëndetësor, hotele dhe lavanderi.
• Dozim automatik: Lavatriçet profesionale mund të jenë të pajisura me pompa dozuese automatike për kimikate (detergjente) industriale, të dozuar në sasitë e nevojshme.

4. A janë lavatriçet profesionale më të mëdha se lavatriçet shtëpiake?
Lavatriçet profesionale vijnë në një gamë të gjerë të madhësive të ndryshme për të plotësuar kërkesat e bizneseve. Lavatriçet më të vogla profesionale, si Miele Little Giants, ofrojnë kapacitet ngarkese 8kg, zënë hapsirë në dysheme prej 1m2, e ngjashme kjo me një lavatriçe shtëpiake. Larëset më të mëdha profesionale, për shembull te Miele Professional, shkojnë deri në kapacitet 20kg dhe më shumë. Kjo lejon reduktimin e numrit të larjeve të nevojshme, duke kursyer kohë dhe para.

5. A mund të ndryshojë vlera e fuqisë në një lavatriçe profesionale?
Krahasuar me një lavatriçe shtëpiake, një lavatriçe profesionale mund të përshtatet për furnizimet e ndryshme të energjisë, duke përfshirë furnizimin me fuqi monofazë ose tre-fazor. Në Varësi të modelit, ato mund të konvertohen nga 13-amp deri në 32-amp.

6. A duhet të blej një lavatriçe profesionale në vend të një shtëpiake?
Një lavatriçe profesionale është e domosdoshme për shumë ambiente ku kontrolli i pluhurit dhe higjiena janë të rëndësishme. Për shembull, shtëpitë e kujdesit shëndetësor, shkolla dhe hotele.

7. Cila është jetëgjatësia e një lavatriçe profesionale?
Një lavatriçe profesionale është e ndërtuar për të zgjatur! Jetëgjatësia e një lavatriçeje matet në orë pune/cikël. Një lavatriçe profesionale si Miele zakonisht testohet për të zgjatur rreth 30,000 orë pune, krahasuar kjo me një lavatriçe shtëpiake e cila testohet për 2,500 orë!
Kështu mesatarisht, një lavatriçe profesionale zgjat 12 herë më shumë sesa një model shtëpiake. Edhe pse lavatriçet shtëpiake ofrojnë garanci nga prodhuesi, këto zakonisht anulohen nëse pajisjet përdoren për qëllime profesionale. Lavatriçet profesionale, nga ana tjetër, zakonisht ofrojnë garanci standarde për pjesë këmbimi për dy vjet.

8. Sa kushton një lavatriçe profesionale?
Kostoja e një lavatriçe profesionale varet nga faktorë si marka, modeli dhe kapaciteti. Ne ofrojmë një gamë lavatriçesh profesionale që i përshtaten çdo buxheti dhe kërkese.
Një lavatriçe shtëpiake mund të kushtojë më pak në fillim, por gjasat janë që të ketë nevojë për zëvendësim më shpejt, duke e bërë atë më të shtrenjtë në afatgjatë. Lavatriçet shtëpiake nuk janë të dizenjuara për përdorim të shpeshtë dhe profesional, çka mund të çojë në më shumë defekte.

Për më tepër informacion dhe detaje në lidhje me pajisjet profesionale ju ftojmë të na vizitoni pranë showroom-it tonë ose të kontaktoni në numrin e telefonit +355 69 601 2632 për të rezevuar një demonstrim.